Zindagi ke ujaale...

Kitne mod dekhe is chhoti si duniya ke
Har mod ne apne kuchh andaz paale hote hain,
Ye zindagi ke mod bade niralay hote hain
Kuchh ujaale andheron se bhi kaale hote hain

Koi mod raasta nahi deta
Kayi mod raasta chheen lete hain,
Kisi pe chal ke thokar lagti hai
Kisi se paon pe chhale hote hain,
Ye zindagi ke mod bade niralay hote hain
Kuchh ujaale andheron se bhi kaale hote hain

Ik mod ne sahara diya bhi
Par wo sahara ik patthar ka tha,
Patthar jiska dil nahi hota
Bas usmein makdi ke jaale hote hain,
Ye zindagi ke mod bade niralay hote hain
Kuchh ujaale andheron se bhi kaale hote hain

Ek kiran ek mod ki taraf kheench layi
Aur ek ujiyaare ki aas jagayi,
Us ujiyaare ki roshni to dekho
Jaise chaand kaali chadar daale hote hain,
Ye zindagi ke mod bade niralay hote hain
Kuchh ujaale andheron se bhi kaale hote hain

In ujalo se door rehna ay dost
Ye ujaale andhero ke paale hote hain,
Bujha dete hain ye zindagi lau ko
Bas kehne ko hi ujale hote hain,
Ye zindagi ke mod bade niralay hote hain
Kuchh ujaale andheron se bhi kaale hote hain