Nasamajh Mohabbat...

A)
Yeh maana .......
Kiye hai tumpe humne kaiyon sitam
gumsum, chupchaap sae magar rahe tum ...
hum to the naada masroof apni naadaniyon mae
par mazaa tumhe kya mila ye samjha toh jate tum ...

ab samajhne ki samajh jo hum-mae aa gayee hai
toh kahan dhunde ........ kahan ho tum ...
intezaar mae hai tumhare, aankhen bhi pathra gayee hai
ab to aa jao ... mil jao ..... khabar do .........
Kahan ho tum
Kahan ho tum
Kahan ho tum

B)
Wo sitam na the
Wo to the kuchh patthar meel ke,
Poochhte ho maza kya mila
To dekhna kabhi apna dil kaanton se chheel ke,

Samajh to aa gayi hai tum mein par ay sitamgar
Ab ye dil rehne layak nahi raha,
Kabristan ne thukra diya ho jisko
Uska thikana hota hai kaha,
Intezaar na karo un lehron ka
Jinko hawa le jayegi baha,

Ye jahan ik raasta dikhata hai
To band karke sab raaste,
Kya batayein wo pata apna
Jo khud nahi jaante,
Jeena shayad raas na aaya
Baithe hain sab haar ke,
Bachi hain is zindagi mein
To bas hain kuchh yaadein kuchh aahtein...

A)
o bas hum yun hi intezaar karte jayenge
aana ho tumhe jab fursat mile apne dard se
hum toh tumhara naam seene mae dabaye
bas chalte jayenge ........... marte jayenge ..........

Bahut achcha likha hai aapne ............ uuwah! uuwah! uuwah!

ek aur arz kiya hai .......... yeh maine nahin likha .........
gaur farmaeeyega .......

Hamara sar kaat doge to pachchtaoge
Hamara sar kaat doge to pachchtaoge ............
Meri jaan ............
Jhooti phir kiski kasam khaoge .......

B)
Yoon khandharo ke fir se ban jane ka
Intazar nahi kiya karte,
Aane wale palon ko yoon
Barbad nahi kiya karte,

Mera dard hi meri zindagi hai ab
Iske bina na ji paonga,
Zindagi se fursat mili
To is mitti mein hi mil jaonga,
Fir bana lena ek naya mahal us mitti se
Wo mahal jo khandhar na ban paye,
Kabhi-2 aana waha
Jab yaad meri aaye,
Is janam mein to na kar paya deedar
Agle janam mein shayad mujhe roshni mil jaye...

A)
Khandaron mae bhi baste the insaan kisi sadi ke
Unhone bhi dekhe the sapne jindagi ke
Hame to mohabbat hai unhi purane silsilon se
Nayi duniya mae to hum phirte hai ...... bas ajnabi se ...........

Intezaar ka sila kabhi to milta hai
Khuda bhi yahi sabak sabko sikhaata hai ...
Milega mera khuda inhin khandaron me mujhko
Jinda hain aur jindagi hai kayam issi umeed pe .....

Khandar ki us tooti si khidki se
Jab bahar jhankoge .....
jindagi ke aur kitne rang hai
Samajh jaoge .......
Hamko dekho jab unhi diwaron pe rang karte hue
Khud hi tum bhi kadam aage badaoge .........
yeh wada hai ........jindagi ki umeed main jindagi se ..........

B)
Na wo sadi rahi
Rahe na wo insaan,
Kya karogay mohabbat un silsilon se
Jinka raha na koi nishaan,

Intezar ka sila milta hai
Par gaadi ke chale jaane se pehle,
Waqt aur muqaam nahi aate vaapis
Chahe jitna koi ro le chilla le,

Kaash ye rang thoda pehle khile hotay
Kaash ye muqaam mujhe pehle mile hotay,
Main bhi ji leta wo lamha
Jismein wo silsile hotay,

Rang saare kho gaye the usi pal mein
Jab takra ke us patthar se meri awaz gir padi ,
Kadam na bada paonga shayad zindagi ki taraf
Usse kareeb mere maut hai khadi...

A)
Woh naumeedi ke saaye main hume bhatka rahe hai
Aur hum umeedi ka daman chodne pe nahin aa rahe hai
Jindagi se wakif hai hum bhi, yeh gar who jaan jaye
To apne saath saath hame bhi shayad samajh paye

Jindagi kabhi khatm nahin hoti
bas shakla badalti hai
jis miti mai koi marta hai
usi mae jindagi bhi janm leti hai
Maut .... bhi jindagi ka naya naam hi to hai
Bas lau ek pinjre se nikal dusre mae sama jati hai

Chalo hamari na sahi tumhari hi sahi .........
Is jindagi mae na sahi aglee mae sahi
Aaj to hum dhoondte hai tumhe
Kal phir tum hame dhoondte hue pahunch hi jaoge
Tum aaj hame pehchan-ne se inkar kar dena
Par hum tumhe nayee shakla mae bhi na bhool payenge ......

Taqdeer me gar ho tum,
Toh phir milenge
Ab dekhna hai ... Kab
Chalo bas itna to khuda pe hi chod payenge ........

B)
Na chhodo ummeed
Ye to zindagi ka sahara hai,
Na dukhe dil kabhi bhi
Jo humko jaan se bhi pyara hai
Tumhe itna hi samjhana
Maksad hamara hai,

Sachi mohabbat kisi ko
duboti nahi hai,
Jo yaar ko na rok paye doobne se
Wo sachi mohbbat hoti nahi hai,

Yoon ilzam na lagao meri ruh pe
Ye to hamesha hi aansoon bahati rahi hai,
Mohabbat ko hamesha main chahta raha
Aur nasamajh mohabbat hi mujhe thukrati rahi hai,

Kaise sweekar kar loon us zindagi ko
Jisne itne andhakar diye hain,
Yaad ne jiski mere dil pe
Teekhay vaar kiye hain,
Dil dimag to kya cheez hain
Humne to hosh bhi haar diye hain,
Aur ye mohabbat hai
Jo nasamajhi ka shringaar kiye hain,

Khuda pe yakin hai
Wo jo karega achha hi karega,
Mujhe to maar diya usne
Par mohabbat ki raksha karega...